د شهیدانو ورثې او معلولیت لرونکو وګړو ته اختریزې جامې ووېشل شوې
د شهیدانو ورثې او معلولیت لرونکو وګړو ته اختریزې جامې ووېشل شوې
د لغمان ولایت د شهیدانو او معلولینو چارو آمریت په هلو ځلو او د ملي سوداګر حبیب الله شینواري په مرسته او همکارۍ په یاد ولایت کې (۱۰۰) د شهیدانو وارثینو، معلولیت لرونکو وګړو او بېوزلو ته د اختر یوه جوړه جامې ووېشل شوې.
د لغمان ولایت د شهیدانو او معلولینو چارو آمر بشیر احمد حقپال د خبرو پر مهال ملي سوداګر حبیب الله شینواري نه مننه وکړه، چې په داسې حساسو حالاتو کې یې د شهیدانو ورثې او معلولینو سره تر خپلې وسې مرسته وکړه.
ښاغلي حقپال د هېواد په نورو سوداګرو، شتمنو او خیریه بنسټونو هم غږ وکړ، چې د شهیدانو د ورثې، معلولیت لرونکو وګړو او بېوزلو کورنیو سره هر اړخیزې مرستې وکړي، ځکه د کرونا او جګړې له کبله د دوی اقتصادي حالت ډېر خراب او ګڼو ستونزو سره مخامخ دي.
