د شهیدانو او معلولینو چارو په وزارت کې د یوې خیریه مؤسسې لخوا پر زرو تنو مستحقینو باندې د ژمنېو توکېو کڅوړې وویشل شوې
په هغه پروګرام کې چې په همدې موخه د شهیدانو او معلولینو چارو وزارت کې جوړ شوې وو، پر زرو مستحقو کسانو چې په هغې کې معلولین، کونډې، یتیمان اوځینې بیوزلې کورنې شاملې وې، د یوې خیریه مؤسسې لخوا پر هغوی باندې د ژمنېو توکو کڅوړې وویشل شوې.
د مرستو په دې کڅوړو کې( کمپلې او البسه) شاملې وې چې د یادې خیریه مؤسسې لخوا د شهیدانو او معلولینو چارو وزارت په همغږۍ پر مستحقو کسانو وویشل شوې.
د شهیدانو او معلولینو چارو وزارت د اطلاعاتو او عامه اړیکو مسؤل ښاغلي مفتي فیصل خاموش د پورتنیو مرستو د وېش پرمهال د یادې مؤسسې له مرستو څخه مننه وکړه او نوموړي له نورو کورنیو او بهرنیو خیریه بنسټونو څخه وغوښتل تر څو د معلولینو، کونډو او یتیمانو سره لازمې مرستې وکړي.
