د شهیدانو او معلولینو چارو په وزارت کې د رئیسانو او آمرینو لپاره د کارکوونکو د ارزونې درې ورځینی روزنیز ورکشاپ پرانیستل شو

nasrat_admin
دوشنبه ۱۴۰۱/۹/۷ - ۱۵:۴۴
mmd

په هغه پروګرام کې چې په همدې موخه د شهیدانو او معلولینو چارو په وزارت کې جوړ شوي وو، په هغې کې د شهیدانو او معلولینو چارو وزارت د مالي او اداري چارو عمومي رئیس ښاغلي مولوي کلیم الله افغان، د شهیدانو او معلولینو چارو وزارت د بشري سرچینو رئیس ښاغلي مولوي محمد موسی صدیقي اوهمدارنګه د ملکي خدمتونو د حقوقي چارو او پالیسي ریاست مرستیال الحاج ویس الدین ویس هم ګډون کړی وو.

د یاد روزنیز ورکشاپ د پرانېستې پرمهال د شهیدانو او معلولینو چارو وزارت د مالي او اداري چارو عمومي رئیس ښاغلي مولوي کلیم الله افغان د دغه ورکشاپ ګډونوالو ته په خطاب کې وویل: موږ او تاسې ټول د دې مظلوم ملت پر وړاندې لوی مسوولیتونه لرو. دا زموږ د هر یوه دنده ده چې راسپارل شوي مسؤلیتونه په ښه توګه ترسره کړو ترڅو موږ خپل ملت او هیواد د بهرنیانو له محتاجۍ  څخه وژغورو.

نوموړي همدا راز زیاته کړه: د یوې ادارې پرمختګ هغه مهال شونی دې، چې مشخص اهداف او فعالیتونه ولري او وخت پر وخت د خپلو کارکوونکو د کړنو ارزونه وکړي.

د دې پروګرام په ترڅ کې د شهیدانو او معلولینو چارو وزارت د بشري سرچینو رئیس ښاغلي مولوي محمد موسی صدیقي هم د یاد ورکشاپ  په ارزښت خبرې وکړې او ګډونوالو ته یې وویل: د کارکوونکو کلنۍ ارزونه د هغوی د لاسته راوړنو، اجراآتو او نوښتونو ښکارندویي کوي او د ملکي خدمتونو انستیتیوت څخه راغلي ترینرانو څخه وغوښتل تر څو د ګډونوالو د وړتیا په لوړولو کې هر اړخیزه همکاري وکړي.

ښاغلي مولوي محمد موسی صدیقي د شهیدانو او معلولینو چارو وزارت د کارکوونکو د استخدام پروسې په اړه هم هر اړخیزمعلومات وړاندې کړل او زیاته یې کړه: د شهیدانو او معلولینو چارو وزارت ټولو کارکوونکو باندې (ریفورمي او غیرریفورمي) واحد پروسیجیر تطبیق شوی.

نوموړي دغه راز د شهیدانو او معلولینو چارو وزارت د کارکوونکو د ښو اجراآتو څخه خوښي څرګنده کړه او ويې ويل: د یاد وزارت کارکوونکو توانیدلي دي چې د مرکز په ګډون په ټولو ولايتونو کې د يتيمانو، معلولينو او کونډو کره احصايې راټوله کړي.

په دې پروګرام  کې د ملکي خدمتونو د حقوقي چارو او پالیسي ریاست مرستیال الحاج ویس الدین ویس هم د کارکوونکو د ارزونې په اړه خبرې وکړې او د کارکوونکو د کړنو او کاري ظرفیتونو ارزونه یې د یوې ادارې د پرمختګ لپاره اړین وباله. نوموړي وویل په کار ده چې د هرې ادارې د کارمندانو ارزونه په ښه توګه ترسره شي تر څو په ترڅ کې د پلان سره سم ظرفیتونه، اړتیاوې او فعالیتونه په سمه توګه وپیژندل شي.

د یادولو وړ ده چې یاد ورکشاپ د شهیدانو او معلولینو چارو وزارت د بشري سرچینو ریاست د ظرفیت لوړونې پروګرامونو د آمریت له لورې په لاره اچول شوی چې په هغه کې به د شهیدانو او معلولینو چارو وزارت څلویښت تنو رئیسانو او آمرینو ته د درې ورځو په موده کې د ملکي خدمتونو انسټیټیوټ د استادانو لخوا د کارکوونکو د ارزونې په برخه کې زده کړې ورکړل شي.

تازه خبرونه

چهارشنبه ۱۴۰۳/۱/۸ - ۱۳:۱۰
Background image

د پکتیا ولایت د شهیدانو او معلولینو چارو رئیس د مرکز ګردیز د ګذر له وکیلانو سره مستحقو کسانو ته د مرستو چمتو کولو په موخه غونډه ترسره کړه

د پکتیا ولایت د شهیدانو او معلولینو چارو رئیس محترم مولوي محمد نبي محمدي د پکتیا ولایت مرکز ګردیز اړوند له ګذر وکيلانو سره د یوې غونډې په ترڅ کې له هغوی وغوښتل تر څو د یاد ریاست سره د. . .

سه‌شنبه ۱۴۰۳/۱/۷ - ۱۲:۴۶
Background image

د شهیدانو ورثه ؤ او معلولینو د پالنې مرکز رئیس ته د ښو فعالیتونه او هڅو په پار ستاینلیک ورکړل شو

د (HHRD) خيريه مؤسسې رهبرۍ له لوري د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد ته د حرفوي زده کړو پروګرامونو د ښه پلي کېدو، اغېز منو خدمتونو، سپېڅلتيا، وطن. . .

سه‌شنبه ۱۴۰۳/۱/۷ - ۱۱:۴۲
Background image

د غزني ولایت د شهیدانو او معلولینو چارو رئیس په دې ولایت کې د عزیزي بانک له مسؤل سره د شهیدانو ورثه ؤ او معلولینو د مساعدتونو د ورکړې په تړاو غونډه تر سره کړه

د غزني ولايت د شهيدانو او معلولينو چارو رئيس محترم مولوي محمد انور برادر په دې ولایت کې د عزيزي بانک څانګې له مسؤل سره وکتل. په دې کتنه کې په (۱۴۰۳) کال کې  د شهيدانو ورثه ؤ او معلولینو. . .

BACK TO NEWS