د شهیدانو او معلولینو چارو په وزارت کې د اداري اصلاحاتو او ملکي خدمتونو د ادارې له خوا د پیچلیو اداري چارو د ساده کولو د تطبیق چارې پیل شوې

nasrat_admin
چهارشنبه ۱۴۰۲/۲/۲۷ - ۱۱:۶
mmd

په هغه پروګرام کې چې په همدې موخه د شهیدانو او معلولینو چارو په وزارت کې جوړ شوی وو، په هغې کې د مالي او ادارې چارو عمومي رئیس ښاغلي مولوي کلیم الله افغان د شهيدانو او معلولینو چارو وزارت د اړوندو څانګو رئیسانو او د اداري اصلاحاتو او ملکي خدمتونو موظف ټیم ګډون کړی وو.

په دې پروګرام کې د شهیدانو او معلولینو چارو وزارت د مالي او اداري چارو عمومي رئیس ښاغلي مولوي کلیم الله افغان د پیچلیو اداري چارو د ساده کولو د پروسې د اهمیت په اړه خبرې وکړې او زیاته یې کړه: د دې پروسې په پلي کولو سره به په اداري چارو کې شفافیت رامنځته شي او اداري چارې به په سمه توګه مدیریت، معیاري خدمتونه به پر خپل وخت او په شفاف ډول وړاندې شي.

نوموړي همداراز د شهیدانو او معلولینو چارو وزارت د اړوندو څانګو له رئیسانو وغوښتل چې د یادې پروسې په تطبیق کې د اداري اصلاحاتو او ملکي خدمتونو ادارې له کاري ټیم سره بشپړه همکاري وکړي.

په دې پروګرام کې د چارو د ادارې عمومي ریاست د اداري اصلاحاتو او ملکي خدمتونو د ادارې، د اداري پروسو د تحلیل آمر قاري نصرت الله سادات د پیچلیو اداري چارو د ساده کولو د پروسې د تطبیق څرنګوالی په هر اړخیزه توګه تشریح کړاو زیاته یې کړه: دا پروسه به په ادارو کې اداري فساد، بیروکراسي او مدیریتي ننګونې له منځه یوسي.

په ورته وخت کې، د دې پروسې په تطبیق سره به روڼتیا رامنځته شي، په ادارو کې به لګښتونه کم شي او په ټولیز ډول به ستراتیژیک اهداف او ملي پالیسۍ په سمه توګه پلې شي.

همدارنګه د شهیدانو او معلولینو چارو وزارت د بشري سرچینو رئیس ښاغلي مولوي محمد موسی صدیقي هم خبرې وکړې او زیاته یې کړه: د خدمتونو د وړاندې کولو په برخه کې د اسلامي امارت پالیسي د خلکو لپاره د لا زیاتو اسانتیاوو برابرول او هغوی ته په شفاف ډول د خدمتونو وړاندې کول دي. هغه همداراز د خبرو په ترڅ کې د پیچلیو اداري چارو د ساده کولو په برخه کې د شهیدانو او معلولینو چارو وزارت له اړخه د هر اړخیزې همکارۍ ژمنه وکړه.

د یاولو وړ دی چې څو ورځې وړاندې د شهیدانو او معلولینو چارو وزارت او اداري اصلاحاتو او ملکي خدمتونو د ادارې تر منځ د پیچلیو اداري پروسو د ساده کولو په موخه هوکړه لیک لاسلیک شو چې د یاد هوکړه لیک د تطبیق چارې په یاد وزارت کې عملاْ پیل شوې.

 

تازه خبرونه

پنجشنبه ۱۴۰۲/۳/۱۸ - ۱۲:۳۱
Background image

د شهیدانو او معلولینو چارو په وزارت کې د قطرالخیریه بنسټ لخوا پر درې سوه (۳۰۰) تنو معلولینو، کونډو، یتیمانو او اړمنو کسانو باندې د مرستو کڅوړې وویشل شوې

په هغه پروګرام کې چې په همدې موخه د شهیدانو او معلولینو چارو وزارت کې جوړ شوې وو، په هغې کې د شهیدانو او معلولینو چارو مرستیال ښاغلي شیخ صاحب عبدالحکیم حقاني، د یاد وزارت د ټولنیزو. . .

پنجشنبه ۱۴۰۲/۳/۱۸ - ۱۲:۲۲
Background image

د شهیدانو او معلولینو چارو وزارت مسلکي او تخنیکي چارو مرستیال د یوه با صلاحیته پلاوي په مشرۍ په کندز ولایت کې د دغه وزارت اړوند ریاست کړنې او فعالیتونه په هر اړخیزه توګه وڅیړل

د یاد باصلاحیته پلاوي  په ترکیب کې د شهیدانو او معلولینو چارو وزارت د پلان او همغږۍ رئیس ښاغلی سید محمد عظیم آغا، د داخلي تفتیش رئیس ښاغلی مولوي احسان الله حقاني د ولایتونو د همغږۍ او. . .

چهارشنبه ۱۴۰۲/۳/۱۷ - ۱۵:۵۷
Background image

د شهیدانو او معلولینو چارو وزارت سرپرست وزیر د افغان آسیا هلال خیریه مؤسسې له مشر سره وکتل.

د شهیدانو او معلولینو چارو وزارت سرپرست وزیر ښاغلي ملا عبدالمجید آخند د افغان آسیا هلال خیریه مؤسسې له مشر ښاغلي اوغور سره  په خپل  کاري دفتر کې وکتل. په دې کتنه کې د شهیدانو او. . .

BACK TO NEWS