د شهیدانو او معلولینو چارو ولایتي آمریتونو تشکیلاتي جوړښتونه به منظم او نورې خدماتي برخې به لا فعالې شي
د شهیدانو او معلولینو چارو ولایتي آمریتونو تشکیلاتي جوړښتونه به منظم او نورې خدماتي برخې به لا فعالې شي
د شهیدانو او معلولینو په چارو کې د دولت وزیر لعل الدين آریوبي د شهیدانو او معلولینو چارو یو شمېر ولایتي آمرینو سره د ویډیویي کنفرانس له لارې خبرې وکړې او د ځینو لارښوونو تر څنګ یې د دوی ستونزې، غوښتنې او وړاندیزونه واورېدل.
ولایتي آمرینو د خپلو ترسره شویو کړنو په اړه معلومات وړاندې کړه وویل، چې د ولایتونو د شهیدانو د ورثې او معلولینو د شمېر په پرتله یې تشکیلات کم دي؛ اړینه ده، چې دې برخې ته پاملرنه وشي. بودجه، د اسنادو بررسي، فساد مخنیوی، د خدمتونو وړاندې کولو څرنګوالی، روڼتیا رامنځته کول، د تېرو کلونو حقوق او معلولینو او د شهیدانو کورنیو سره اداري سلوک د بحث عمده موضوعات وو.
ښاغلي آریوبي ولایتي آمرینو ته لارښوونه وکړه، چې د شهیدانو کورنیو او معلولیت لرونکو وګړو ته خدمت باید د وظیفوي مسولیت تر څنګ دیني او انساني مسولیت هم وګڼئ او په بشپړ صداقت یې ترسره کړئ. تشکیلاتي کمښت یې جدي مسله وګڼله،،د حل ژمنه یې وکړه، وویل چې په دې اړه اړوندو ادارو سره په اړیکه کې دی او ژر به اقدام وشي.
د دې سربېره یې د اسنادو د بررسۍ، فساد مخنیوي او روڼتیا رامنځته کولو په برخه کې هم یادو آمرینو ته جدي سپارښتنې وکړې.
