د شهیدانو او معلولینو چارو وزارت په کندهار ولایت کې د معلولینو ښارګوټي لپاره د څښاک د پاکو اوبو چمتو کولو په موخه د شیخ محمد بن راشد آل مکتوم د خیریه او بشري مرستو له مؤسسې سره هوکړه لیک لاسلیک کړ.
یاد هوکړه لیک د شهیدانو او معلولینو چارو وزارت د بهرنیو اړیکو او پلان رئیس ښاغلي ملا صدو خان حق پرست او د شیخ محمد بن راشد آل مکتوم د خیریه مؤسسې له اجرایوي مسؤل ښاغلي محمد برات حسین خیل ترمنځ لاسلیک شو چې د هغه له مخې به د کندهار ولایت په پنجوايي ولسوالۍ کې د شیخ محمد بن راشد آل مکتوم په نوم د معلولینو په ښارګوټي کې به د معلولینو دوه سوه (۲۰۰) کورنېو ته د څښاک پاکې اوبه چمتو شي.
د شهیدانو او معلولینو چارو وزارت د بهرنیو اړیکو او پلان رئیس ښاغلي ملا صدو خان حق پرست د هوکړه لیک د لاسلیک پر مهال د یادې مؤسسې له اجرایوي مسؤل څخه مننه وکړه او د یاد هوکړه لیک په تطبیق کې یې د هر اړخیزې همکارۍ ژمنه وکړه.
د يادونې وړ ده چې د یادې پروژې ټوليز ارزښت اووه دیرش زره او څلورسوه او اته اتیا (۳۷۴۸۸) آمریکایي ډالره دى، چې د یو کال په موده کې به بشپړه شي
