د شهیدانو او معلولینو چارو وزارت مسلکي او تخنیکي مرستیال د یوه با صلاحیته پلاوي په مشرۍ په بدخشان ولایت کې د دغه وزارت اړوند ریاست کړنې او فعالیتونه په هر اړخیزه توګه وڅیړل

nasrat_admin
یکشنبه ۱۴۰۲/۳/۱۴ - ۹:۰
mmd

د یاد باصلاحیته پلاوي  په ترکیب کې د شهیدانو او معلولینو چارو وزارت د پلان او همغږۍ رئیس ښاغلی سید محمد عظیم آغا، د داخلي تفتیش رئیس ښاغلی مولوي احسان الله حقاني د ولایتونو د همغږۍ او انسجام آمر ښاغلی مولوي سردار محمد، د معلولینو د حقونو د محاسبې آمر مولوي محمد ایوب او د دغه وزارت د اړوندو ریاستونو یو شمېر استازو چې مشري یې د شهیدانو او معلولینو چارو وزارت د مسلکي او تخنیکي چارو مرستیال ښاغلی مولوي عبدالرزاق آخند کوي د بدخشان ولایت د شهیدانو او معلولینو ریاست کړنې او فعالیتونه یې په هر اړخیزه توګه وڅیړل.

د شهیدانو او معلولینو چارو وزارت د مسلکي او تخنیکي چارو مرستیال ښاغلي مولوي عبدالرزاق آخند د دغه ولایت د شهیدانو او معلولینو چارو ریاست د فعالیتونو او کړنو د ارزونې په ترڅ کې خبرې وکړې او زیاته یې کړه: د دې پلاوي د سفر اصلي موخه د شهیدانو وارثینو او معلولینو ته د خدمتونو د وړاندې کولو د څرنګوالي څېړنه او ارزونه ده ترڅو د خدمتونو په وړاندې کولو کې شته نیمګړتیاوې او ستونزې په ګوته او د حل لپاره یې مناسبې لارې چارې برابرې شي.

نوموړي همداراز د شهیدانو وارثینو او معلولینو ته د خدمتونو وړاندې کول، د دغه وزارت له بنسټیزو مسؤلیتونو څخه وباله او زیاته یې کړه یاد وزارت هڅه کوي چې ټول یتیمان، کونډې او معلولین په شفافه توګه ثبت او د هغوی میاشتنۍ نغدي مرستې د شهیدانو او معلولینو چارو وزارت د طرزالعمل سره سم ورکړي. نوموړي د خپلو خبرو په ترڅ کې دغې اغېزمنې ډلې ته د روغتيايي خدمتونو د وړاندې کولو په اړه هم يادونه وکړه او زياته يې کړه چې یاد وزارت په هڅه کې دی تر څو د روغتيايي خدمتونو د وړاندې کولو په برخه کې هغوى ته لازياتې اسانتياوې برابرې کړي.

د شهیدانو او معلولینو چارو وزارت د پلان او همغږۍ رئیس ښاغلي سید محمد عظیم آغا هم  د یاد ریاست د ارزونې په ترڅ کې خبرې وکړې او زیاته یې کړه، چې د شهیدانو او معلولینو چارو وزارت ټولو یتیمانو، کونډو او معلولینو ته یو ډول او پرته له توپیره خدمتونه وړاندې کوي. نوموړي د بدخشان ولایت د شهیدانو او معلولینو ریاست له مسؤلینو او کارکوونکو څخه وغوښتل تر څو یتیمانو، کونډو او معلولینو ته د خدمتونو په وړاندې کولو کې خپل فردي مسؤلیتونه په سمه توګه ترسره کړي.

د بدخشان ولايت د شهيدانو او معلولينو چارو رئيس ښاغلي مير دولت ياري  د معياري ودانۍ د نشتوالي او یاد ریاست ته د بودیجې د کمښت په ګډون د شته ستونزو په اړه خبرې وکړې او زياته يې کړه چې د نوموړي ریاست کارکوونکي د شهیدانو وارثینو او معلولینو ته د معياري او شفافو خدمتونو په وړاندې کولو ژمن دي.

د یادولو وړ ده چې د شهیدانو او معلولینو چارو وزارت د مسلکي او تخنیکي چارو مرستیال ښاغلي مولوي عبدالرزاق آخند او ورسره مل پلاوي د یادو ستونزو د حل په موخه د بدخشان ولایت له مرستیال والي ښاغلي مولوي نثار احمد احمدي سره وکتل.

په دې کتنه کې دبدخشان ولايت مرستيال والي ښاغلي مولوي نثار احمد احمدي د کرنې، مهاجرينو چارو، اقتصاد او له طبيعي پيښو سره دمبارزې له رياستونو څخه وغوښتل چې د خپلو ریاستونو اړوندو مرستو (۲۵) سلنه د شهيدانو په وارثينو او معلولينو باندې وويشي.

ټاکل شوې ده چې یاد پلاوی به د تخار، کندز او بغلان ولایتونو کې د شهیدانو او معلولینو چارو ریاستونو کړنې او فعالیتونه په هراړخیزه توګه وڅیړي.

تازه خبرونه

دوشنبه ۱۴۰۲/۶/۲۷ - ۸:۴۳
Background image

د شهیدانو او معلولینو چارو وزارت يو پلاوي د غور ولایت په ځینو نواحيو کې د شهیدانو له یو شمیر وارثینو او معلولینو سره له نږدې وکتل

د شهیدانو او معلولینو چارو وزارت د څارنې او ارزونې رئیس ښاغلي الحاج مولوي نورالحق حقاني د یو پلاوي په مشرۍ غور ولایت ته د سفر په ترڅ کې  په دې ولایت کې د شهيدانو او معلولینو چارو ریاست. . .

یکشنبه ۱۴۰۲/۶/۲۶ - ۱۳:۵۱
Background image

د لغمان ولایت د شهیدانو او معلولینو چارو ریاست اجراآت او فعالیتونه په هر اړخیزه توګه وڅیړل شول

د شهیدانو او معلولینو  چارو وزارت، د شهیدانو چارو رئیس ښاغلي مولوي روح الله نصرت په مشرۍ یو پلاوي په لغمان ولایت کې د یاد وزارت اړوند ریاست کړنې او فعالیتونه په هراړخیزه توګه وڅیړل.

یا. . .

پنجشنبه ۱۴۰۲/۶/۲۳ - ۱۲:۷
Background image

‌د شهیدانو او معلولینو چارو وزارت څلورویشت (۲۴) ولایتي کارکوونکو د نوي الکټرونیکي سیسټم د درې ورځیني روزنیز ورکشاپ له بشپړولو وروسته تصدیق نامې ترلاسه کړې.

په هغه پروګرام کې چې په همدې موخه د شهیدانو او معلولینو چارو وزارت کې جوړ شوی وو، په هغه کې د شهیدانو او معلولینو چارو مرستیال ښاغلي شیخ صاحب عبدالحکیم حقاني، د مالي او اداري چارو عمومي. . .

BACK TO NEWS