د شهیدانو او معلولینو چارو وزارت د کارکوونکو د چارو په ریاست کې اداري غونډه ترسره شوه
د شهیدانو او معلولینو چارو وزارت د کارکوونکو د چارو رئیس محترم مولوي محمد موسی صدیقي په مشرۍ په یاد ریاست کې اداري غونډه ترسره شوه، چې پکې د اړوندو څانګو آمرینو او کارکوونکو ګډون کړی وو.
په غونډه کې د وزارت د نوي برېښنايي سیسټم د ریفورم پروژې اړوند د (۱۷) بستونو لپاره د ازموینې اخیستلو لپاره د چمتووالي، د شفافې پروسې د تنظیم او د مسلکي او ژمنو اشخاصو د ګمارنې په اړه هر اړخیزې خبرې او بحثونه ترسره شول.
همداراز د چارو د لا ښه تنظیم، د اداري بهیر د چټکتیا، او د پلانونو د اغېزمن تطبیق په موخه اړوندو کارکوونکو ته لازمې سپارښتنې او لارښوونې وشوې.
