د شهیدانو او معلولینو چارو وزارت د شپږو (۶) خالي بستونو لپاره تقریري ازموینه واخیستله
د شهیدانو او معلولینو چارو وزارت د بشري سرچینو ریاست په دې وزارت کې د شپږو (۶) تشو بستونو لپاره تقریري ازموینه واخیستله چې په دې ازموینه کې دېرش (۳۰) تنه وړ کسان چې مخکې په تحریري ازموینه کې بریالي شوي وو، ګډون کړی وو.
له ګډونوالو څخه تقریري ازموینه د بشري سرچینو رئيس ښاغلي مولوي محمد موسى صديقي، د دعوت او ارشاد رئيس ښاغلي مفتي عبدالاحد مسعود، د څارنې او ارزونې رئیس ښاغلي مولوي نورالحق حقاني، د استخدام آمر ښاغلي محمد انور سخیزاده او د بشري سرچینو ریاست کارپوه ښاغلي مولوي عبیدالله په حضور کې په شفاف ډول واخیستل شوه.
د يادونې وړ ده چې د دې ازموينې ګډونوالو له دې وړاندې دغه وزارت ته خپل غوښتنلیکونه سپارلي وو چې د هغې له مخې له شپیتو (۶۰) تنو وړ کسانو څخه تحریري ازموینه واخیستل شوه، په پایله کې د یاد کسانو له جملې څخه دیرشو (۳۰) تنو وړ کسانو تقریري آزموینې ته لار پیدا کړه.
