د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه د یاد وزارت د سرپرست وزیر، ښاغلي ملا عبدالمجید آخند په مشرۍ، د تخنیکي او مسلکي چارو مرستیال ښاغلي مولوي عبدالرزاق آخند، د شهیدانو او معلولینو چارو مرستیال ښاغلي شیخ صاحب عبدالحکیم حقاني، د مالي او اداري چارو عمومي رئیس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه.
د یادې غونډې موضوعات چي د شهیدانو او معلولینو چارو وزارت د دفتر رئیس ښاغلي قاري شاه محمد دوست لخوا غونډې ته وړاندې کړل شول په هغې کې د ولایتي رئیسانو او کارکوونکو د ظرفیت لوړونې په موخه د روزنیز ورکشاپ د لړۍ پر دوام هم خبرې اترې وشوې او پریکړه وشوه چې د ملکي خدمتونو د انسټیټیوټ په همغږۍ سره د کارکوونکو د ظرفیت لوړونې پروګرام چارې به په راتلونکې اونۍ کې بیا پیل کړل شي.
په دې غونډه کې د هغو بې سرپرسته یتیمانو چې دمګړې په حرفوي زده کړو بوخت دي د هغوې د اقتصادي ستونزو د حل، د غرمې ډوډۍ او همدارنګه هغوې ته د لارې د کرایې په ورکړه کې د زیاتوالي پریکړه وشوه.
همدارنګه په یاده غونډه کې د معلولیت لرونکو وګړو ته د هویت کارتونو جوړولو په اړه خبرې وشوې او د اطلاعاتو او عامه اړیکو مسؤل ښاغلي مفتي فیصل خاموش ته دنده وسپارل شوه چې معلولیت لرونکو وګړو لپاره هویت کارټونه جوړ چې د بایومټریک د پروسې له بشپړیدو وروسته ورکړل شي.
د رهبري شورا په دې غونډه کې د هېواد په (۲۷۲) ولسوالېو کې د شهیدانو او معلولینو چارو وزارت اړوندو کارکوونکو ته د دفتر او دهغوې د دفتر اړوندو توکو د برابرولو په هکله هم هر اړخیزې خبرې وشوې او پریکړه وشوه تر څو د یادو توکو د برابرولو په موخه د شهیدانو او معلولینو چارو وزارت مقام ته خپل وړاندیز وسپاري.
