د شهیدانو او معلولینو چارو وزارت با صلاحیته پلاوي په سرپل ولایت کې د یاد وزارت اړوند ریاست د کړنو او فعالیتونو هر اړخیزه ارزونه وکړه

nasrat_admin
شنبه ۱۴۰۱/۹/۵ - ۸:۴۸

د شهیدانو او معلولینو چارو وزارت مرستیال ښاغلي شیخ صاحب عبدالحکیم حقاني د یو با صلاحیته پلاوي په مشرۍ په سرپل ولایت کې د نوموړي وزارت له اړوند ریاست له فعالیتونو او کړنو هر اړخیزه ارزونه وکړه.

ښاغلي شیخ صاحب عبدالحکیم حقاني د خپل سفر اصلي موخه په ولایتونو کې د شهیدانو او معلولینو چارو ریاستونو پر وړاندې د پرتو ستونزو او ننګونو حل وباله.

د شهیدانو او معلولینو چارو مرستیال زیاته کړه: د افغانستان اسلامي امارت او په ځانګړي توګه د شهیدانو او معلولینو چارو وزارت د یتیمانو، کوڼدو او معلولیت لرونکو وګړو ته د ښو خدمتونو او آسانتیاوو وړاندې کولو او د هغوی د ستونزو د حل په برخه کې ځان مسؤل بولي.

 

همدارنګه ښاغلی شیخ صاحب عبدالحکیم حقاني زیاتوي د شهیدانو او معلولینو چارو وزارت د تیرې ادارې یتیمانو او معلولینو، ملکي یتیمانو او معلولینو  او همدارنګه د اسلامي امارت یتیمانو او معلولیت لرونکو وګړو ته له توپیر پرته هغوی ته د غوره خدمتونو په وړاندې کولو کې ژمن دې.

د نوموړي پر وینا د شهیدانو او معلولینو چارو وزارت د مرکز په ګډون په ټولو ولایتونو کې تر اوسه پورې  (550000) پنځه لکه او پنځوس زره معلولیت لرونکي وګړي، کونډې او یتیمان ثبت کړي چې په هغې جملې کې (150000) معلولیت لرونکي وګړي شامل دي د نوموړي پر وینا د شهیدانو او معلولینو چارو وزارت تر دې مهاله نږدې اتیا سلنه معلولینو، یتیمانو او کونډو ته د روان کال  میاشتنې نغدي مرستې هم ورکړل شوي دي.

د شهیدانو او معلولینو چارو وزارت باصلاحیته پلاوی چې مشري یې د شهیدانو او معلولینو چارو وزارت مرستیال ښاغلی شیخ صاحب عبدالحکیم حقاني کوي او په ترکیب کې یې د یاد وزارت د دفتر رئیس ښاغلی قاري شاه محمد دوست، د داخلي تفتيش رئيس ښاغلی مولوي احسان الله حقاني، د معلولینو چارو رئیس ښاغلی مولوي عبدالنافع منتفع او د پلانونو د تطبیق او ارزونې  آمر ښاغلی قاري سید اسحاق شامل دي.

د یادولو وړ دی چې یاد پلاوي تر دې وړاندې د بغلان، سمنګان، بلخ او جوزجان  ولایتونو  د شهیدانو او معلولینو چارو ریاستونو کړنې  او فعالیتونه په هر اړخیزه توګه ارزولې دي.

تازه خبرونه

چهارشنبه ۱۴۰۳/۱/۸ - ۱۳:۱۰
Background image

د پکتیا ولایت د شهیدانو او معلولینو چارو رئیس د مرکز ګردیز د ګذر له وکیلانو سره مستحقو کسانو ته د مرستو چمتو کولو په موخه غونډه ترسره کړه

د پکتیا ولایت د شهیدانو او معلولینو چارو رئیس محترم مولوي محمد نبي محمدي د پکتیا ولایت مرکز ګردیز اړوند له ګذر وکيلانو سره د یوې غونډې په ترڅ کې له هغوی وغوښتل تر څو د یاد ریاست سره د. . .

سه‌شنبه ۱۴۰۳/۱/۷ - ۱۲:۴۶
Background image

د شهیدانو ورثه ؤ او معلولینو د پالنې مرکز رئیس ته د ښو فعالیتونه او هڅو په پار ستاینلیک ورکړل شو

د (HHRD) خيريه مؤسسې رهبرۍ له لوري د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد ته د حرفوي زده کړو پروګرامونو د ښه پلي کېدو، اغېز منو خدمتونو، سپېڅلتيا، وطن. . .

سه‌شنبه ۱۴۰۳/۱/۷ - ۱۱:۴۲
Background image

د غزني ولایت د شهیدانو او معلولینو چارو رئیس په دې ولایت کې د عزیزي بانک له مسؤل سره د شهیدانو ورثه ؤ او معلولینو د مساعدتونو د ورکړې په تړاو غونډه تر سره کړه

د غزني ولايت د شهيدانو او معلولينو چارو رئيس محترم مولوي محمد انور برادر په دې ولایت کې د عزيزي بانک څانګې له مسؤل سره وکتل. په دې کتنه کې په (۱۴۰۳) کال کې  د شهيدانو ورثه ؤ او معلولینو. . .

BACK TO NEWS