د شهیدانو او معلولینو چارو وزارت او د اړمنو مېرمنو د ملاتړ مؤسسې تر منځ هوکړه لیک لاسلیک شو
یاد هوکړه لیک د دې وزارت د بهرنيو اړیکو او پلان رئيس محترم ملا صدوخان حق شناس او د اړمنو مېرمنو د ملاتړ مؤسسې رئیس محترم عطاء الله حیدري تر منځ لاسلیک شو، چې له مخې به یې، د کابل ښار په پنځه لسمه ناحیه کې د (۵۰) تنو کونډو او معلولیت لرونکو مېرمنو لپاره د کورنۍ نانوایي د جوړولو په موخه، اړین وسایل واخیستل شي او د هغوی په واک کې ورکړل شي.
د دې پروژې مجموعي لګښت (۵۵) زره ډالره کېږي چې د نه (۹) میاشتو په موده کې، د ټولنیزو خدمتونو د تنظیم ریاست سره په همغږۍ به پلي شي.
د یادو وسایلو د وېش وروسته به، یادو مېرمنو ته، د دوو میاشتو په موده کې د ډوډۍ پخولو عملي زدهکړې هم ورکړل شي، د دې کار اصلي موخه دا ده چې مېرمنې وکولای شي د دې وسایلو څخه په مؤثره توګه استفاده وکړي.
