د شهيدانو او معلولینو چارو وزارت کې د مجاهدینو جهادي خدمت د محاسبې فورمې د ټاکل شوې کمیټې له خوا ترتیب، او د توزیع په موخه نهایي شوې
په هغه غونډه کې چې په همدې موخه د بشري سرچینو په ریاست کې جوړه شوې وه په هغه کې د یاد وزارت د دفتر رئیس محترم قاري شاه محمد دوست، د بشري سرچينو رئيس محترم مولوي محمد موسی صدیقي، د دعوت او ارشاد رئيس محترم مفتي عبدالاحد مسعود، د داخلي تفتيش رئيس محترم مولوي احسان الله حقاني د معلولینو چارو رئیس محترم قاري عبدالکریم حلیمي د اداري او خدماتو رئیس محترم مولوي سردار محمد حبیب ، دفارياب ولايت رئيس مفتي صاحب خالد او د اطلاعاتو او عامه اړيکو رئیس مفتي فیصل خاموش ګډون درلود.
په دې غونډه کې د بشري سرچينو رئيس محترم مولوي محمد موسی صدیقي خبرې وکړې او زیاته یې کړه: یاده فورمه د کابینې د پریکړې پر اساس جوړه شوې او په دې فورمې په پوره غور او دقت کار شوی او ټول اړخونه یې په پام کې نیول شوې دي.
په دې غونډه کې د مجاهدینو د جهادي خدمت په قدم، ترفیع او تقاعد کې د محاسبې فورمې ترتیب او نهايي شوه. په دې غونډه کې یادې فورمې ګډونوالو ته وویشل شوې.
