د سرپل د شهيدانو او معلولينو چارو آمريت د شهيد اوونۍ ونمانځله

content_admin
یکشنبه ۱۳۹۹/۶/۲۳ - ۹:۸
ZCS

د سرپل د شهيدانو او معلولينو چارو آمريت د شهيد اوونۍ ونمانځله

د سرپل د شهيدانو او معلولينو چارو آمريت د ولايت محترم مقام، د ولايتي شورا غړو، د مدني فعالانو، ديني عالمانو، د شهيدانو ورثينو، د معلوليت لرونکو وګړو او سلګونه ګډونوالو په شتون او ګډون سره د شهيد اوونۍ څخه نمانځنه وکړه.

د غونډې په پيل کې د شهيدانو او معلولينو په چارو کې د سرپل ولايت د آمريت آمر لخوا، د شهيدانو او معلولينو په چارو د دولت وزارت وزير، لعل الدين آريوبي پيغام د شهيد اوونۍ په مناسبت ګډونوالو ته ولوست.

د آريوبي صيب په پيغام کې راغلي و، چې د شهيد اوونۍ له نمانځلو موخه، د شهيدانو له قربانيو او ښرښندنو څخه ستاینه او راتلونکو نسلونو ته د هغوی د لارې تعقيبولو انګيزه ورکول دي.

د ښاغلي وزير صيب په پيغام کې له ولايتي آمرينو څخه غوښتنه شوې وه، چې د شهيدانو ورثينو او معلوليت لرونکو وګړو په پار د خدمت په برخه کې دې له ژمنتيا، ريښتينوالۍ، د شهيدانو ورثينو او معلوليت لرونکو وګړو لپاره د غوره ژوند د اسانتياوو برابرولو او د مسوليتونو په سم ډول اجرا کولو له مخې دې خپلې دندې په پوره ايماندارۍ ترسره کړي.

همدارنګه د غونډې په بهير کې د غونډې نورو ګډونوالو هم د شهيدانو د قربانيو ستاينه وکړه او غونډه د سولې، ورورولۍ او جګړې د پای ته رسېدو په پار له دوعا سره پای ته ورسېده.

تازه خبرونه

شنبه ۱۴۰۴/۷/۱۹ - ۹:۲۲
Background image

په بلخ ولایت کې څه باندې شپږ میلیونه افغانۍ پر مستحقو کسانو ووېشل شوې

د بلخ ولايت د شهيدانو او معلولينو چارو رياست د اسلامي رفاه خیریه مؤسسې سره په همغږۍ (۶) میلیونه، (۴) زره او (۷۰۰) افغانۍ پر (۱۴۹) مستحقو یتیمانو او کونډو باندې په منظم او عادلانه ډول. . .

شنبه ۱۴۰۴/۷/۱۹ - ۹:۲۱
Background image

په ننګرهار ولايت کې په (۲۵۰) تنو مستحقو یتیمانو باندې د مرستو وېش

د ننګرهار ولايت د شهيدانو او معلولينو چارو رياست د یتیمانو د‌ ملاتړ په موخه د (HHRD) مؤسسې سره په همغږۍ پر (۲۵۰) تنو یتیمانو باندې مرستې ووېشلې، په یادو مرستو کې اوړه، غوړي، وريجې او د. . .

پنجشنبه ۱۴۰۴/۷/۱۷ - ۹:۵۱
Background image

په بلخ ولايت کې پر (۴۰) مستحقو یتیمانو باندی نغدي مرستې وویشل شوې

د بلخ ولايت د شهيدانو او معلولينو چارو رياست د اسلامي رفاه خیریه مؤسسې په همکارۍ د مزار شريف ښار د څلورمې او نهمې ناحیو اړوند پر (۴۰) تنو مستحقو یتیمانو باندې نغدي مرستې ووېشلې، د پلان. . .

BACK TO NEWS