د زابل ولایت د شهیدانو او معلولینو چارو په ریاست کې د نوي الکټرونیکي سیسټم څخه څارنه وشوه
د شهیدانو او معلولینو چارو وزارت د ډېټابېس او معلوماتو د سیسټم آمر محترم سید تمیم آغا په مشرۍ یو تخنیکي پلاوي په زابل ولایت کې د یتیمانو، کونډو او معلولینو اړوند د نوي الکټرونیکي سیسټم د چارو څخه هر اړخیزه څارنه او ارزونه ترسره کړه.
د دې څارنې پر مهال تخنیکي پلاوي د کارکوونکو هڅې او هلې ځلې له دې امله وستایلې چې د روزنیز ورکشاپ تجربې یې په چټکۍ سره عملي کړې وې او کومې نیمګړتیاوې چې تر دې وړاندې په یاد سیسټم کې موجودې وې، هغوی ته په ښه توګه رسیدګي شوې وه او یادو کارکوونکو ته د سیسټم د فعالیت د ښه والي په موخه لارښوونې هم وشوې.
همداراز د زابل ولایت د شهیدانو او معلولینو چارو رئيس او کارکوونکو د یاد پلاوي د ستاینې او ارزونې څخه مننه او هر کلی وکړ.
