د جمهوررئیس له لوري د وسله وال پوځ د شهیدانو کورنیو ته د لس زره نمرو د وېش پیل

sadiq_admin
پنجشنبه ۱۴۰۰/۴/۱۰ - ۹:۵۹
s

د جمهوررئیس له لوري د وسله وال پوځ د شهیدانو کورنیو ته د لس زره نمرو د وېش پیل

جمهوررئیس محمد اشرف غني د افغانستان د امنیتي او دفاعي ځواکونو او د محراب شهیدانو کورنیو ته د لس زره نمرو د وېش لړۍ یو شمېر مستحقینو ته د ملکیت سند په ورکولو سره، رسماً پیل کړه.

دغه مراسم چې نن مازدیګر په ارګ کې ترسره شول، په پیل کې د جمهوري ریاست لومړي مرستیال امرالله صالح وویل، نن موږ دغه نمرې د هغو شهیدانو کورنیو ته وېشو چې د دې خاورې د عزت ساتلو لپاره یې ځانونه قربان کړي او د دولت په توګه یې قربانیو ته احترام کوو.

امرالله صالح د دښمن پر وړاندې د امنیتي او دفاعي ځواکونو ترڅنګ د دیني عالمانو د رسا غږ ستاینه وکړه وې ویل، دوی دواړه د افغانستان تر ټولو مستحق قشرونه دي او په لومړۍ مرحله کې به په کنړ، ننګرهار، لغمان، پنجشېر، کاپیسا، کابل او خوست کې لس زره نمرې ووېشل شي او په نورو ولایتونو کې هم د وېش لپاره د ځمکو په تثبیت کار کوو.

ورپسې جمهوررئیس د امنیتي او دفاعي ځواکونو او د محراب د شهیدانو روح ته د دعا ترڅنګ د هغوی د قربانیو ستاینه وکړه وې ویل، موږ د دولت او ملت په توګه د دوی د قربانیو پوروړي یوو او نن د دې عظیم پور یوه کوچنۍ برخه ادا کېږي.

د هیواد جمهوررئیس وویل: د امنیتي او دفاعي ځواکونو د شهیدانو کورنیو ته د ځمکو وېش پروسه له وسله وال پوځ سره د دولت د قوي ژمنتیا یوه بېلګه ده، دولت د دې پروسې شفافیت ته بشپړ ژمن دی او د شهیدانو کورنۍ به په ټوله پروسه څار کوي.

جمهوررئیس غني د ښار جوړولو او ځمکو وزارت ته لارښوونه وکړه چې د امنیتي او دفاعي ځواکونو او د محراب شهیدانو پاتې کورنیو ته د نمرو د وېش لپاره ژر تر ژره په ټول افغانستان کې ځمکې تثبیت او راپور یې اړوندو مسوولینو سره شریک کړي.

جمهوررئیس د خپلو خبرو په پای کې وویل، په دې پروسه کې غاصبینو ته ځای نشته او اړوندو ادارو ته یې دنده وسپارله چې دغه پروسه ډیجیټلي کړي، ترڅو حق حقدار ته ورسېږي.

د یادولو وړ ده چې په دې مراسمو کې د شهیدانو او معلولینو وزارت نوماند او سرپرست وزیر ښاغلي پوهنمل حمیدالله فاروقي هم ګډون درلود.

تازه خبرونه

پنجشنبه ۱۴۰۰/۴/۱۰ - ۱۲:۴
Background image

د شهیدانو او معلولینو چارو وزارت د هیواد د امنیتي او دفاعي ځواکونو شهیدانو کورنیو ته د ځمکې د ویشلو د پروسې له پیل څخه هرکلی کوي

د شهیدانو او معلولینو وزارت د امنیتي او دفاعي ځواکونو د شهیدانو کورنیو ته د 10 زرو نمرو د وېشلو د پیل له امله د افغانستان د اسلامي جمهوریت له جلالتمآب جمهور رئیس څخه د زړه له کومې مننه. . .

پنجشنبه ۱۴۰۰/۴/۱۰ - ۹:۵۹
Background image

د جمهوررئیس له لوري د وسله وال پوځ د شهیدانو کورنیو ته د لس زره نمرو د وېش پیل

جمهوررئیس محمد اشرف غني د افغانستان د امنیتي او دفاعي ځواکونو او د محراب شهیدانو کورنیو ته د لس زره نمرو د وېش لړۍ یو شمېر مستحقینو ته د ملکیت سند په ورکولو سره، رسماً پیل کړه.

چهارشنبه ۱۴۰۰/۴/۹ - ۱۶:۱۳
Background image

د شهیدانو او معلولینو وزارت او د شهیدانو د وارثینو او معلولینو د ټولنیزو شوراګانو د استازو ترمینځ د ګډې مشورتي بورډ تاسیس یو له اساسي اړتیاو څخه دی.

د شهیدانو او معلولینو سرپرست وزیر ښاغلي پوهنمل حمیدالله فاروقي د شهیدانو ورثې او معلولیت لرونکو وګړو ټولنیزو بنسټونو او شوراګانو له استازو سره په کتنه کې د معلولیت لرونکو وګړو او د. . .

BACK TO NEWS