د بلخ ولایت د شهیدانو او معلولینو چارو رئيس مارمل ولسوالۍ ته سفر وکړ
د بلخ ولایت د شهیدانو او معلولینو چارو رئيس محترم مولوي جان محمد حکمت د یتیمانو کورنیو او معلولیت لرونکو وګړو د کور په کور سروې په موخه مارمل ولسوالۍ ته سفر وکړ، هلته یې د یتیمانو او معلولینو ستونزې او غوښتنې له نږدې واورېدې او د هغوی سروې يې ترسره کړه، تر څو واقعي مستحقین په سمه توګه وپېژندل شي او د میاشتني نغدي مساعدتونو څخه برخمن شي.
همداراز محترم مولوي جان محمد حکمت د ولسوالۍ له يو شمېر مسؤلينو سره هم وکتل او د سروې د بهير د لا ښه تنظيم او همغږۍ په اړه يې ورسره خبرې وکړې.
