په کندهار ولایت کې(۲۵) تنه یتیمان او معلولین د حرفوي زده کړو څخه فارغ شول
د کندهار ولایت د شهیدانو او معلولینو چارو ریاست د مسؤلینو په هڅو د بشري سرچینو د مرستندویه مؤسسې په مالي ملاتړ (۲۵) تنه بي سرپرسته یتیمان، او معلولین چې د صابون او شامپو جوړولو په برخه کې مسلکي مهارتونه زده کړي وو، د یو لړ مراسمو په ترڅ کې د فراغت سندونه ترڅنګ د حرفې اړوند ابزار او وسایل او همداراز یوه اندازه نغدي مرسته هم ترلاسه کړه.
فارغ شویو کسانو د شهیدانو او معلولینو چارو ریاست استازي او دیادې مؤسسې مسؤلینو ته ډاډ ورکړ چې د خپل مسلک پر مټ به خپلې کورنۍ ته حلاله روزي پیدا کوي تر څو د بل د محتاجي څخه یې د خلاصون لاره پیدا کړې وي.
همدارنګه د شهیدانو او معلولینو چارو ریاست استازي د مهمو لارښوونو ترڅنګ د معلولینو څخه وغوښتل چې د یادې حرفي څخه د ټولنې د اړتیاوو او د حلالۍ روزي د ترلاسه کولو په موخه له خپل مسلک څخه پوره استفاده وکړي او د هر ډول آسانتیاوو په رامنځ ته کولو کې به د معلولینو سره پوره همکارۍ کوي.
