د مجاهدینو د جهادي خدمت د فورمو د جوړولو پر څرنګوالي د شهيدانو او معلولینو چارو وزارت کې غونډه جوړه شوه
په دې غونډه کې ټاکل شوې کمیټې د مجاهدینو د جهادي خدمت په قدم، ترفیع او تقاعد کې د محاسبې فورمې پر څرنګوالي هر اړخیز بحث وکړ او د یادې فورمې د لا غني کولو په موخه یې لازم وړاندیزونه مطرح کړل.
په دې غونډه کې ټاکل شوې کمیټې چې د یاد وزارت د بشري سرچينو رئيس محترم مولوي محمد موسی صدیقي، ، د مالي او حسابي چارو رئيس محترم قاري محمد امین درویش، د دعوت او ارشاد رئيس محترم مفتي عبدالاحد مسعود، د داخلي تفتيش رئيس محترم مولوي احسان الله حقاني او د څارنې او ارزونې رئيس محترم مولوي نورالحق حقاني د اطلاعاتو او عامه اړيکو رئیس مفتي فیصل خاموش يې غړيتوب لري، ګډون کړی وو .
