په بغلان ولایت کې (۲۵۰) تنو مستحقو کسانو سره د خوراکي توکو مرستې ترسره شوې
د بغلان ولایت شهيدانو او معلولينو چارو ریاست د یوه ملي تاجر محترم الحاج مبارز برکت زي په مالي همکارۍ پر (۲۵۰) تنو مستحقو یتیمانو، کونډو او معلولینو باندې خوراکي توکي ووېشل.
د مرستو د وېش پر مهال د شهیدانو او معلولینو چارو رئیس الحاج ملا احسان الله عابد د شهیدانو د کورنیو او معلولینو ملاتړ د ټولو ګډ مسؤلیت وباله او د ملي تاجر له سخاوتمندانه همکارۍ څخه يې مننه وکړه او له نورو خیریه بنسټونو څخه یې وغوښتل چې د یتیمانو، کونډو او معلولینو لپاره مرستې برابرې کړي، څو د هغوی لاسنیوی او ملاتړ وشي.
