د کندهار ولایت د شهیدانو او معلولینو چارو په ریاست کې اداري غونډه ترسره شوه
د کندهار ولایت د شهیدانو او معلولینو چارو رئيس محترم ملا عبدالقاهر فېروز په مشرۍ په یاد ریاست کې اداري غونډه ترسره شوه، چې په هغې کې د لسوالیو مدیرانو ګډون کړی وو.
په دې غونډه کې محترم ملا عبدالقاهر فېروز د اداري نظم پر ارزښت، د بېلابېلو څانګو ترمنځ د اغېزمنې همغږۍ پر تأمین او د شهیدانو کورنیو او معلولینو چارو ته د ښه او پر وخت رسېدګۍ په اړه خبرې وکړې او له ټولو کارکوونکو یې وغوښتل چې خپلې ورسپارل شوې دندې په بشپړې ژمنتیا او احساس مسؤلیت سره ترسره کړي.
د غونډې په پای کې د ولسوالیو ترمنځ د دوامدارې او رغنده همکارۍ پر پیاوړتیا ټینګار وشو او د کارکوونکو د صادقانه او نه ستړې کېدونکو هڅو ستاینه هم وشوه.
