د شهیدانو او معلولینو په چارو کې د دولت وزیر د ارشاد، حج او اوقافو وزیر سره په کتنه کې د معلولیت ملي ستراتیژۍ د پلي کولو لپاره په ګډې همکارۍ ټینګار وکړ

sadiq_admin
چهارشنبه ۱۳۹۹/۱۰/۲۴ - ۹:۲
ss

د شهیدانو او معلولینو په چارو کې د دولت وزیر د ارشاد، حج او اوقافو وزیر سره په کتنه کې د معلولیت ملي ستراتیژۍ د پلي کولو لپاره په ګډې همکارۍ ټینګار وکړ

نن سه شنبه د مرغومې په ۲۳مه، د شهیدانو او معلولینو په چارو کې د دولت وزير لعل الدین آریوبي د ارشاد، حج او اوقافو وزیر مولوي محمد قاسم حلیمي سره وکتل او د معلولیت ملي ستراتیژۍ د تطبیق پلان په اړه يې د دواړو وزارتونو ترمنځ د همغږۍ پر زياتوالي او د کاري اړیکو پر پیاوړتیا خبرې وکړې.

ښاغلي آریوبي لومړی د معلولیت ملي ستراتیژۍ او د هغې د تطبیق پلان په اړه معلومات ورکړل وویل: د معلولینو ملي ستراتیژي د معلولیت لرونکو وګړو د ژوند د ښه والي او مثبت بدلون لپاره رامینځته شوې، کومه چې د دوی ژوند د ښه کولو په موخه لس کلن لید او تګلوری ښیې.

ښاغلي آريوبي زیاته کړه، چې د شهيدانو او معلولينو په چارو کې د دولت وزارت مخکې له مخکې د هر وزارت لپاره د معلوليت ملي ستراتيژۍ د پلي کولو په اړه پلان چمتو کړی او د لا بډاينې لپاره یې له وزارتونو او اړوندو ادارو سره شريک کړی دی، څو هره اداره د خپلو دندو او مسؤلیتونو سره سم پرې اقدام وکړي.

نوموړي د ارشاد، حج او اوقافو وزارت له مشرتابه څخه وغوښتل، چې په مرکز کابل او ولایتونو کې دې معلولیت لرونکو وګړو لپاره د حج برخه زیاته کړي او غوره او وړیا اسانتیاوې دې ورته برابرې کړي.

نوموړي هيله وښوده، چې د هیواد په کچه په دیني مدرسو او پوهنتونونو کې هم د معلولیت لرونکو وګړو لپاره بايد د وړیا زده کړو زمینه برابره شي.

ښاغلي آریوبي ټینګار وکړ، چې د معلولیت لرونکو وګړو لاسنيوی د هرې ادارې انساني او اخلاقي مکلفیت دی، نو پر دې بنسټ بايد ياد قشر مرستندويه خيريه بنسټونو ته هم ور وپيژندل شي، څو د مرستو او ملاتړ له لارې يې ستونزې را کمې شي.

د ارشاد، حج او اوقافو وزیر مولوي محمد قاسم حلیمي د معلولينو اړوند چارو د هر اړخیزې همکارۍ د ډاډ ورکولو تر څنګ زياته کړه، چې معلولیت لرونکو وګړو ته پاملرنه او مرسته یو دیني مسؤلیت دی او د دوی وزارت به د شهیدانو او معلولینو په چارو کې د دولت وزارت سره په همغږي د معلولیت ملي ستراتیژۍ پر پلي کولو باندې کار وکړي.

ښاغلي حليمي وويل: چې د هېواد په ټولو جوماتونو کې به د معلولینو فزيکي لاسرسي لپاره اسانتیاوې برابرې کړي او همدا رنګه به هڅه وکړي چې په مرکز او ولایتونو کې د ممبر له لارې د معلولینو د حقونو په اړه عامه پوهاوی لوړ کړي.

د ناستې په بهير کې د شهيدانو او معلولينو په چارو کې د دولت وزارت تخنيکي سلاکار، حبيب خان ځاځي هم د ارشاد، حج او اوقافو وزارت اړوند د معلولیت ملي ستراتیژۍ د منځپانګې (ټولنیز ادغام، پوهنه، عامه پوهاوی او د معلولیت لرونکو وګړو ګومارنې) په تړاو خبرې وکړې او د غونډې ګډونوالو ته يې د يادې ستراتيژۍ په هکله معلومات ورکړل.

 

تازه خبرونه

چهارشنبه ۱۳۹۹/۱۱/۸ - ۱۵:۷
Background image

د شهیدانو او معلولینو چارو سرپرست وزیر د وزارت مسولینو او کارکوونکو سره تعرفي لیدنه وکړه

نن چهارشنبه د (سلواغی میاشتې ۸ نېټه) د شهیدانو او معلولینو چارو سرپرست ښاغلي پوهنمل حمیدالله فاروقي د وزارت مرستیالانو، رئيسانو، مشاورینو او کارکوونکو سره وکتل؛

چهارشنبه ۱۳۹۹/۱۱/۸ - ۱۰:۲۴
Background image

د شهیدانو او معلولینو چارو وزارت سرپرست او نوماند وزیر په رسمي توګه د دې ادارې کارکوونکو ته وروپېژندل شو

نن سه شنبه د (سلواغې میاشتې ۷ نېټه) د شهیدانو او معلولینو چارو سرپرست او نوماند وزیر ښاغلی پوهنمل حمید الله فاروقي د یوې سترې غونډې په ترڅ کې د جمهوري ریاست د چارو ادارې د لوی رییس. . .

چهارشنبه ۱۳۹۹/۱۱/۱ - ۱۰:۱
Background image

معلوماتو ته د شهیدانو د ورثې او معلولینو د اسانه لاسرسي په موخه د وزارت ویب سایټ موبایل اپلکېشن ته بدلېږي

د شهیدانو او معلولینو چارو وزیر لعل الدین آریوبي او د رهبرۍ غړو ته د وزارت ویب سایټ د موبایل اپلیکېشن بڼې ته د بدلولو د کار د لومړي پړاو په اړه معلومات وړاندې شوه.

BACK TO NEWS