د شهيدانو او معلولينو چارو وزارت کې پر (۶۴۳) تنو مستحقو کسانو د قربانۍ غوښې ووېشل شوې
د شهیدانو او معلولینو چارو وزارت د نېکمرغه لوی اختر په مبارکو ورځو کې د یتیمانو کورنیو او معلولیت لرونکو وګړو د ملاتړ په موخه، د (HHRD) خیریه مؤسسې سره په همغږۍ پر (۶۴۳) تنو مستحقو یتیمانو او کونډو باندې د قربانۍ غوښې ووېشلې.
یادې مرستې د دې وزارت د ټولنیزو خدمتونو د تنظيم رياست آمرینو محترم ملا ابراهيم شاه خلیل او محترم صفي الله سدید، د څارنې او ارزونې او د شهیدانو چارو ریاستونو استازي او د خیریه مؤسسې مسؤلينو په شتون کې مستحقو کسانو ورکړل شوې تر څو د ټولنې دغه قشر هم د نورو وګړو په څېر د لوی اختر په خوښیو کې شریک شي.
