د شهیدانو او معلولینو چارو وزارت او د قمر خیریه بنسټ ترمنځ د همکارۍ هوکړه لیک لاسلیک شو
د شهیدانو او معلولینو چارو وزارت او د قمر خیریه بنسټ ترمنځ د (۷) لکه او (۳۰) زره افغانیو په ارزښت د همکارۍ هوکړه لیک لاسلیک شو، د دې هوکړه لیک له مخې به، په پروان ولایت کې پر (۱۰۰) تنو کونډو او ښځینه معلولینو باندې نغدي مرستې ووېشل شي، په دې ترتیب هر مستحق ته به (۷۳۰۰) افغانۍ ورکړل شي.
د همکارۍ دغه هوکړه لیک د بهرنیو اړیکو، پلان او تقنین چارو رئیس محترم مولوي ثناء الله فرقاني او د قمر خیریه بنسټ د استازي محترم ریاض احمد صافي ترمنځ لاسلیک شو، چې د یوې میاشتې په موده کې به د پروان ولایت د شهیدانو او معلولینو چارو ریاست سره په همغږۍ تطبیق شي.
