د ډېټابېس او معلوماتو د سیسټم ریاست کې اداري غونډه ترسره شوه
د نوي برېښنائي سیسټم د محاسبې او تأدیاتو بهیر د روزنیز ورکشاپ د پیل په موخه د لازمو تدابیرو د نیولو لپاره د ډېټابېس او معلوماتو د سیسټم ریاست کې اداري غونډه ترسره شوه. دغه غونډه د ریاست د محترم رئیس ملا رحمت الله خالد په مشرۍ ترسره شوه چې پکې امرینو او ټولو اړوندو کارکوونکو ګډون کړی وو.
په دې غونډه کې د یاد روزنیز ورکشاپ د مؤثر تطبیق، د کارکوونکو د ظرفیت لوړولو او د چارو د منظم ترسره کېدو په اړه هر اړخیز بحث وشو. همداراز د ورکشاپ د تنظیم، همغږۍ او عملي چارو د چټکتیا لپاره اړینې طرحې شریکې او وڅېړل شوې.
محترم خالد د چارو د ښه تنظیم او پر وخت تطبیق په موخه اړوندو امرینو او کارکوونکو ته لازمې دندې وسپارلې او ټینګار یې وکړ چې ټول کارونه دې د پلان مطابق، په همغږۍ او مسوولانه ډول ترسره شي.
په پای کې له ټولو ګډونوالو وغوښتل شول چې سپارل شوې دندې په جدي توګه تعقیب او ترسره کړي.
