په کابل ولایت کې (۱۰۵) تنو مستحقو کسانو ژمني توکي ترلاسه کړل
د کابل ولایت د شهیدانو او معلولینو چارو ریاست د احساس خیریه مؤسسې سره په همغږۍ پر (۱۰۵) تنو مستحقو یتیمانو، کونډو او معلولینو باندې، ژمني توکي چې په هغه کې کمپلې، د ډبرو سکاره او بخارۍ شاملې وې، په منظم ډول ووېشلې.
یادې مرستې د کابل ولایت د شهیدانو او معلولینو چارو رئیس محترم قاري شمس الامین زهیر، د پرمختیایي پروژو څخه د څارنې او ارزونې آمر محترم ملا مطیع الله ابوالمختار، د نشراتو آمر محترم حافظ محمد یعقوب روښان او د مؤسسې مسؤلینو په شتون کې پر مستحقو کسانو باندې ووېشل شوې.
