د شهیدانو او معلولینو چارو وزارت په ننګرهار ولایت کې د وروستیو اورښتونو او طوفانونو له امله زیانمنو شوېو یتیمانو او کونډو ته د سولرونو د چمتو کولو او وېشلو په موخه د (HHRD) خیریه مؤسسې سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د (HHRD) خیریه مؤسسې سوپروایزر محترم عبیدالله احمدي تر منځ لاسلیک شو، د هغې پر بنسټ به، د ننګرهار ولایت په سرخرود ولسوالۍ کې د وروستیو اورښتونو او طوفانونو له امله درې سوه (۳۰۰) تنو زیانمنو شوېو یتیمانو او کونډو ته سولرونه او همداراز سولري پکې چمتو او ووېشل شي.
د یادونې وړ ده چې د یادې پروژې ټولیز ارزښت دوه میلیونه، پنځه لکه، اووه اتیا زره او پنځه سوه (۲۵۸۷۵۰۰) افغانۍ کیږي چې په یاد ولایت کې به تطبیق شي.
