د شهیدانو او معلولینو چارو وزارت یتیمانو، کونډو او معلولینو د ملاتړ او د هغوی اقتصادي ستونزو د له منځه وړلو په موخه د احساس ټولنیزې مؤسسې سره دوه هوکړه لیکونه لاسلیک کړل
یاد هوکړه لیکونه د شهیدانو او معلولینو چارو وزارت د بهرنیو اړیکو او پلان رئیس محترم ملا صدو خان حق شناس او د احساس ټولنیزې مؤسسې مسؤل ترمنځ لاسلیک شول چې له مخې به یې په دو سوه او پنځه وېشت (۲۲۵) تنو یتیمانو، کونډو او معلولینو باندې په غور او بامیانو ولایتونو کې البسه او د سوند توکي ووېشل شي.
د يادونې وړ ده چې د یادو پروژو ټوليز ارزښت دوه ویشت زره او پنځه سوه (۲۲۵۰۰) امریکایي ډالره دی، چې د دوو میاشتو په موده کې به بشپړې شي.
