د میدان وردګ ولایت د شهیدانو او معلولینو چارو په ریاست کې غونډه ترسره شوه
د میدان وردګ ولایت د شهیدانو او معلولینو چارو په ریاست کې اداري غونډه د یاد ریاست د محترم رئیس په مشرۍ او د اړوندو کارکوونکو په شتون کې ترسره شوه.
په دې غونډه کې یتیمانو، کونډو او معلولیت لرونکو وګړو ته د ۱۴۰۵ مالي کال د دویمې ربعې د میاشتني نغدي مساعدتونو د پر وخت حواله کولو په هکله خبرې وشوې او اړوندو کارکوونکو ته سپارښتنه وشوه ترڅو د اصولو سره سم نغدي مساعدتونه مستحقو کسانو ته حواله کړي.
همدارنګه، د غونډې ګډونوالو د عالیقدر امیرالمؤمنین حفظه الله تعالی د شفاهي حکم د تطبیق پر اهمیت خبرې وکړې، هغه حکم چې د ځیرکو ټلیفونونو د نه کارونې په تړاو صادر شوی دی. په دې اړه کارکوونکو ته لازمې سپارښتنې وشوې چې یاد حکم په بشپړ ډول عملي کړي.
په دې غونډه کې د ادارې د چارو د لا منظم مدیریت، د کارکوونکو ترمنځ د همغږۍ د پیاوړتیا، د کاري نظم د ټینګښت او مراجعینو ته د غوره او اغېزمنو خدمتونو د وړاندې کولو په موخه اړوندو مسؤلینو او کارکوونکو ته لازمې لارښوونې او سپارښتنې وشوې.
