په تخار ولایت کې پر (۴) تنو مستحقو کسانو باندې زرنج نقلیه وسایط ووېشل شول
د تخار ولایت د شهیدانو او معلولینو چارو ریاست د شهیدانو کورنیو او معلولینو د اقتصادي ځان بسیاینې په موخه د یوې خیریه مؤسسې سره په همغږۍ پر (۴) تنو مستحقو یتیمانو او معلولیت لرونکو وګړو باندې زرنج نقلیه وسایط ووېشل.
د شهیدانو او معلولینو چارو رئیس محترم مولوي عبدالکریم حلیمي د خیریه مؤسسې له مرستو یې خوښي څرګنده کړه او د شهیدانو کورنیو او معلولینو ته یې ډاډ ورکړ چې یاد ریاست به د هغوی د ژوند د اسانتیاوو برابرولو او اقتصادي ستونزو د حل لپاره خپلې هڅې لا پیاوړې کړي.
