د پکتیکا ولایت د شهیدانو او معلولینو چارو په ریاست کې نوی آمر معرفي شو
د شهیدانو او معلولینو چارو وزارت د رهبرۍ د لزوم دید او حکم پر اساس محترم مولوي سید محمد ابوعرفان د پکتیکا ولایت د شهیدانو او معلولینو چارو په ریاست کې د شهیدانو او معلولینو چارو د نوي آمر په توګه کارکوونکو ته معرفي او خپلې چارې پیل کړې.
د نوي آمر د معرفي په غونډه کې د غزني ولایت د شهیدانو او معلولینو چارو رئیس محترم ملا عبدالحکیم دانش، د پکتیکا ولایت د شهیدانو او معلولینو چارو رئیس محترم مولوي محمد نبي وهاج او کارکوونکو حضور درلود.
محترم مولوي عبدالحکیم دانش د محترم مولوي سید محمد ابو عرفان تېرې کارنامې او لاسته راوړنې وستایلې او هغه ته یې په چارو کې د لا بریالیتوبونو هیله څرګنده کړه.
همداراز محترم مولوي محمد نبي وهاج د اداري سلسله مراتب مراعاتول، په چارو کې همغږي، د ژمنتیا درلودل او په اخلاص سره د کارونو سرته رسول اداري اصول وباله او نوي آمر لپاره یې د ښه خدمت کولو هیله څرګنده کړه.
