د شهیدانو او معلولینو چارو وزارت د کارکوونکو چارو ریاست فعالیتونه وستایل شول
د کار او ټولنیزو چارو وزارت نږدې یوه میاشت وړاندې د شهیدانو او معلولینو چارو وزارت د کارکوونکو چارو ریاست د ترسره شویو فعالیتونو او کړنو د ارزونې لړۍ پیل کړې وه.
نن د دغې ارزونې د پایلو راپور د یوې غونډې په ترڅ کې د کارکوونکو چارو رئیس محترم مولوي محمد موسی صدیقي سره شریک شو.
د کار او ټولنیزو چارو وزارت د ارزونې پلاوي، چې مشري یې محترم منیر احمد ګلزاد کوله، د ارزونې پر بنسټ د یاد ریاست (۹۵) سلنه کړنې چې د کارکوونکو لپاره ترسره شوې وې، د اصولو او مقرراتو مطابق وبلل شوې او د پاتې نورو برخو په اړه یې لازمې سپارښتنې وړاندې شوې.
