په لغمان ولایت کې (۵۰۰) تنو مستحقو یتیمانو د خوراکي توکو مرستې ترلاسه کړې
د لغمان ولایت د شهيدانو او معلولينو چارو رياست د شهیدانو کورنيو د ملاتړ او لاسنيوي په موخه، د (HHRD) خیریه مؤسسې سره په همغږۍ د یاد ولایت اړوند پر (۵۰۰) تنو مستحقو یتیمانو باندې مرستې چې په هغه کې اوړه، غوړي، وريجې او نور خوراکي توکي او همداراز قرطاسیه باب شامل وو، په منظم او عادلانه ډول ووېشل.
د مرستو د وېش پر مهال د لغمان ولایت د شهيدانو او معلولينو چارو رياست مسؤلينو د شهيدانو کورنيو ته ډاډ ورکړ چې یاد رياست به د مرستو راجلبولو په برخه کې پوره هلې ځلې وکړي.
