د نورستان ولایت د شهیدانو او معلولینو چارو ریاست له کاري بهیر څخه ارزونه ترسره شوه
د شهیدانو او معلولینو چارو وزارت د څارنې او ارزونې رئیس محترم محمد صابر ځواک په مشرۍ پلاوي چې د مرکز او ولایتونو د راپورونو د تحلیل او توحید آمر محترم مولانا نورالدین صاحبزاده او د ولایتونو د تطبیقي پلانونو څخه د څارنې او ارزونې مسلکي غړي محترم خیبر شېرزاد یې ملتیا کوله، نورستان ولایت ته یې د سفر په ترڅ کې د یاد ریاست له کاري بهیر او ترسره شویو اجراآتو څخه هر اړخیزه ارزونه ترسره کړه.
ټاکل شوي پلاوي د شهیدانو ورثه وو او معلولینو ته د خدمتونو وړاندې کولو څرنګوالی، د تثبیت او ثبت بهیر او همداراز هغوی ته د میاشتني نغدي مساعدتونو د وېشلو له پروسې څخه هر اړخیزه ارزونه وکړه، شته ستونزې او نیمګړتیاوې په نښه کړې او د حل په موخه یې د اړوند ریاست کارکوونکو ته لازمې لارښوونې وکړې.
