په کنړ ولايت کې پر سلګونو تنو یتیم زده کوونکو باندې مرستې ووېشل شوې
د کنړ ولايت د شهيدانو او معلولينو چارو رياست د اچ، اچ، آر، ډي نړېوالې مؤسسې سره په همغږۍ د یاد ولایت اړوند پر (۲۵۰) تنو یتیم زده کوونکو باندې د خوراکي او غیر خوراکي توکي مرستې ووېشلې، همداراز هر مستحق سره د اختر لپاره جامې او یو اندازه نغدي مرسته هم ترسره شوه.
د کنړ ولايت د شهيدانو او معلولينو چارو رئيس محترم مفتي عبيدالله حقاني د يادې مؤسسې له مسؤلينو څخه مننه وکړه چې د روژې په مبارکه مياشت کې د دې اړمنو کسانو لاسنيوی کړی دی، نوموړي همداراز په راتلونکي کې د یتیمانو، کونډو او معلولینو لپاره د لازياتو مرستو د چمتو کولو ډاډ ورکړ.
