په لغمان ولايت کې (۵۰۰) تنو مستحقو یتیمانو سره مرسته ترسره شوه
د لغمان ولايت د شهيدانو او معلولينو چارو رياست د اچ، اچ، آر، ډي نړېوالې مؤسسې سره په همغږۍ د یاد ولایت پر (۵۰۰) تنو مستحقو یتیمانو باندې شپږ ډوله خوراکي توکي او اختریزې کڅوړۍ ووېشلې همداراز هر مستحق سره د اختر لپاره د کالیو ګنډلو په موخه یو اندازه نغدي مرسته هم ترسره شوه.
د مرستو د وېش پر مهال د لغمان ولايت د شهيدانو او معلولينو چارو رئيس محترم حاجي فيض الله جواد د یادې مؤسسې له مرستو مننه او قدرداني وکړه او هيله یې څرګنده کړه چې په راتلونکي کې هم د یتیمانو سره ورته مرستې ترسره شي.
