په ننګرهار ولایت کې د یتیمانو پر (۵۵۰) کورنيو باندې مرستې ووېشل شوې
د ننګرهار ولایت د شهیدانو او معلولینو چارو ریاست په روژې مبارکه میاشت کې د مستحقو کسانو د لاسنيوي په موخه د لیف خیریه مؤسسې په همغږۍ د یتیمانو پر (۵۵۰) مستحقو کورنيو باندې یوولس (۱۱) ډوله خوراکي او غیر خوراکي توکي ووېشل.
د یادو مرستو د وېش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک کونډو او یتیمانو ته د خیریه مؤسسو څخه د مرستو د جلب ډاډ ورکړ او زیاته یې کړه:" موږ د دې اړمن او بیوزله قشر د خدمت په موخه ګمارل شوي یو او یتیمانو، کونډو او معلولیت لرونکو وګړو ته د غوره خدمتونو په وړاندې کولو او همداراز هغوی ته د خیریه بنسټونو د مرستو په جلب کې خپلې هر اړخیزې هڅې به جاري وساتو تر څو د دې اړمنو خلکو لاسنیوی وشي."
