په پکتیا ولایت کې په سلګونو تنو مستحقو کسانو باندې د خوراکي توکو وېش
په یادو مرستو کې چې اوړه، وریجې، غوړي او ځینې نور خوراکي مواد شامل وو، د پکتیا ولایت د شهیدانو او معلولینو چارو ریاست له لوري د یوه خیریه بنسټ په مالي ملاتړ په (۳۰۰) تنو مستحقو یتیمانو، کونډو او معلولینو باندې په شفاف او عادلانه ډول ووېشل شول.
د مرستو د وېش پر مهال د پکتیا ولایت د شهیدانو او معلولینو چارو رئیس محترم مولوي محمد نبي محمدي او د خیریه بنسټ مسؤلینو شتون درلود.
محترم مولوي محمد نبي محمدي د یاد خیریه بنسټ له مرستو مننه وکړه او د یاد قشر لپاره یې د لا زیاتو مرستو پر برابرولو ټینګار وکړ.
