د شهیدانو او معلولینو چارو وزارت او د نصیر خیریه بنسټ ترمنځ د هوکړه لیک لاسلیک
د شهيدانو او معلولينو چارو وزارت د روژې په مبارکه مياشت کې د یتیمانو او معلولیت لرونکو وګړو د لاسنیوي په موخه د نصیر خیریه بنسټ سره هوکړه لیک لاسلیک کړ، چې له مخې به یې سل (۱۰۰) تنو یتیمانو او معلولینو ته په غزني ولایت کې نغدي مرستې ووېشل شي او هر مستحق به، (۵۰) ډالره ترلاسه کړي.
یاد هوکړه لیک د دې وزارت د بهرنيو اړیکو او پلان رئیس محترم ملا صدوخان حق شناس او د نصیر خیریه بنسټ مسؤل محترم محمد جواد ترمنځ لاسلیک شو او د غزني ولایت د شهيدانو او معلولينو چارو رياست سره په همغږۍ به تطبیق شي.
