په کنړ ولایت کې پر سلګونو مستحقو کسانو باندې مرستې ووېشل شوې
د روژې مبارکې میاشتې په مناسبت د کنړ ولایت د شهیدانو او معلولینو چارو ریاست د یوې مؤسسې سره په همغږۍ د یاد ولایت مرکز په شمول د ټولو ولسوالېو پر (۴۰۰) تنو مستحقو یتیمانو، کونډو او معلولیت لرونکو وګړو باندې مرستې ووېشلې، په یادو مرستو کې اته (۸) ډوله خوراکي مواد شامل وو.
د کنړ ولایت د شهیدانو او معلولینو چارو رئيس محترم مفتي عبیدالله حقاني د یادې مؤسسې له مرستو مننه وکړه چې په دې مبارکه میاشت کې یي د دې اړمن قشر لاسنیوی کړی دی.
