د شهيدانو او معلولينو چارو وزارت د یتیمانو د ملاتړ په موخه د نور مرستندويه مؤسسې سره د همکارۍ هوکړه لیک لاسلیک کړ
د دې هوکړه لیک له مخې به، په پروان ولایت کې (۱۰۰) تنه مستحق یتیمان تر پوښښ لاندې راشي چې د هغوی لپاره خوراکي خوندیتوب تأمین او د زده کړې زمینه به ورته برابره شي.
د همکارۍ دغه هوکړه ليک د شهيدانو او معلولينو چارو وزارت د بهرنیو اړیکو او پلان رئيس محترم ملا صدوخان حق شناس او د نور مرستندویه مؤسسې مسؤل محترم انجنیر ویس عمادي تر منځ لاسلیک شو.
د یادونې وړ ده چې د یادې پروژې مجموعي ارزښت (۲۴) زره او (۸۹۶) ډالره کېږي او د یو کال په موده کې، د پروان ولايت د شهيدانو او معلولينو چارو رياست سره په همغږۍ به تطبیق شي.
