په بامیان ولایت کې پر شپېتو (۶۰) تنو معلولیت لرونکو وګړو باندې ویلچرونه ووېشل شول
د بامیانو ولایت د شهیدانو او معلولینو چارو ریاست د یوې خیریه مؤسسې په همغږۍ په یاد ولایت کې پر (۶۰) تنو مستحقو معلولینو باندې ویلچرونه ووېشل، په ورته وخت کې هر مستحق معلول ته زر (۱۰۰۰) افغانۍ د لارې کرایې په توګه هم ورکړل شوې.
د یادو ویلچرونو د وېش پر مهال د بامیان ولایت د شهیدانو او معلولینو چارو رئیس محترم علي خان احمدي، د ولایت مقام د مالي او اداري چارو مسؤل محترم حاجي محمد خان غازي او د یاد ریاست د ټولنیزو خدمتونو مدیر شتون درلود.
د یادونې وړ ده، یو شمېر معلولین چې د بامیان ولایت له ولسواليو څخه راغلي وو، د ولایت مقام له لوري هغوی سره یوه اندازه نغدي مرسته هم ترسره شوه.
