د شهیدانو او معلولینو چارو وزارت د ډېټابېس او معلوماتو ریاست د یوه تخنیکي پلاوي له لوري په بلخ ولایت کې د یتیمانو، کونډو او معلولینو د نوي الکټرونیکي سیسټم څخه څارنه ترسره شوه
د شهیدانو او معلولینو چارو وزارت د ډېټابېس او معلوماتو ریاست د ام آی اس سیستم آمر محترم الله محمد دوست په مشرۍ يو تخنیکي پلاوی چې محترم شکرالله اوریاخیل، محترم بختیار اریوبي او محترم اجمل انډر یې ملتیا کوله، د بلخ ولایت د شهیدانو او معلولینو چارو په ریاست کې یې د یتیمانو، کونډو او معلولینو اړوند د نوي الکټرونیکي سیسټم له چارو څخه هر اړخیزه څارنه ترسره کړه او د یاد سیسټم د لاښه پلي کیدو او مؤثریت په هکله، اړوند کارکوونکو ته لازمې لارښوونې وشوې.
همداراز د بلخ ولایت د شهیدانو او معلولینو چارو رئیس هم د یاد پلاوي له ورتګ څخه خوښي څرګنده کړه او ډاډ یې ورکړ چې د تخنیکي پلاوي د وړاندیزونو او سپارښتنو په رڼا کې به اړوندې چارې په ښه توګه پرمخ یوړل شي.
