د شهیدانو او معلولینو چارو په وزارت کې زر (۱۰۰۰) تنو مستحقو کسانو باندې ژمني توکي ووېشل شول
د شهیدانو او معلولینو چارو وزارت د کابل ولایت اړوند د نواحېو او ولسوالېو زر (۱۰۰۰) تنو یتیمانو، کونډو، معلولینو او اړمنو کسانو باندې د یوې خیریه مؤسسې په مالي ملاتړ ژمني توکي چې په هغه کې البسه او کمپلۍ شاملې وې، په شفاف او منظم ډول ووېشل.
یادې مرستې د شهیدانو او معلولینو چارو وزارت مرستیال محترم شیخ صاحب عبدالحکیم حقاني، د ټولنیزو خدمتونو د تنظیم رئیس محترم مولوي ثناء الله فرقاني، د اطلاعاتو او عامه اړیکو رئیس محترم مفتي فیصل خاموش، د پلانونو د تطبیق څخه د څارنې او ارزونې آمر محترم ملا اهل الله حنفي او د مؤسسې مسؤلینو په شتون کې پر مستحقو کسانو باندې ووېشل شوې.
