په کندز ولایت کې پر (۱۰۰) تنو مستحقو معلولینو باندې ویلچرونه ووېشل شول
د کندز ولایت د شهیدانو او معلولینو چارو ریاست د یوې خیریه مؤسسې په همکارۍ په یاد ولایت کې پر (۱۰۰) تنو معلولیت لرونکو وګړو باندې ویلچرونه ووېشل، هر مستحق سره یې یو اندازه نغدي مرسته هم ترسره کړه.
د کندز ولایت د شهیدانو او معلولینو چارو رئیس محترم مولوي نقیب الله سنان د وزارت د مشرتابه له ځانګړې پاملرنې او همداراز د خیریه مؤسسې له لوري د ترسره شویو مرستو یې مننه وکړه او له نورو مرستندویه بنسټونو یې هم وغوښتل چې د یاد قشر لپاره لا زیاتې مرستې برابر کړي.
