په کابل ولایت کې پر (۱۲۴) تنو مستحقو یتیمانو باندې د مرستو وېش
د شهیدانو او معلولینو چارو وزارت د ټولنیزو خدمتونو د تنظیم ریاست د انساني مرستو مؤسسې سره په همغږۍ د کابل ښار په څلورمه ناحیه کې پر (۱۲۴) تنو یتیمانو باندې اختریزې کڅوړې ووېشلې او هر مستحق سره یوه اندازه نغدي مرسته هم ترسره شوه.
یادې مرستې د شهیدانو او معلولینو چارو وزارت د پر مختیایي پروژو د تطبیق څخه د څارنې او اروزنې آمر محترم ملا مطیع الله ابوالمختار، د ټولنیزو خدمتونو د تنظیم ریاست استازو او همداراز د انساني مرستو مؤسسې د مسؤلینو په شتون کې پر مستحقو یتیمانو باندې په شفاف ډول ووېشل شوې.
