په پکتیکا ولایت کې پر (۲۱) تنو معلولیت لرونکو وګړو باندې ویلچرونه ووېشل شول
د پکتیکا ولایت د شهیدانو او معلولینو چارو ریاست د یوې خیریه مؤسسې سره په همغږۍ په دې ولایت کې پر (۲۱) تنو معلولیت لرونکو وګړو باندې ویلچرونه ووېشل او په ورته وخت کې هر معلول ته زر (۱۰۰۰) افغانۍ د لارې کرایې په توګه هم ورکړل شوې.
د ویلچرونو د وېش پر مهال د پکتیکا ولایت د شهیدانو او معلولینو چارو رئیس محترم مولوي محمد نبي وهاج د یادې خیریه مؤسسې څخه مننه وکړه او معلولیت لرونکو وګړو ته یې ډاډ ورکړ چې یاد ریاست پوره هڅه کوي د خیریه بنسټونو او مؤسسو څخه یتیمانو، کونډو او معلولینو ته لازیاتې مرستې راجلب کړي تر څو په سمه توګه د هغوی لاسنیوی وشي.
