په لغمان ولایت کې پر (۱۸۳) تنو مستحقو یتیمانو باندې خوراکي توکي وویشل شول
د لغمان ولایت د شهيدانو او معلولینو چارو رياست د لایف خیریه مؤسسې سره په همغږۍ په دې ولايت کې پر (۱۸۳) تنو مستحقو یتیمانو باندې خوراکي توکي چې په هغه کې اوړه، وریجې، غوړي، مکروني، لوبیا، دال، مالګه، بوره، چای، روح افزا، خُرما او په غیر خوراکي توکو کې د ماشومانو لپاره د لوبو ځینې وسایل شامل وو، ووېشل.
د مرستو د وېش پر مهال د لغمان ولایت د شهيدانو او معلولینو چارو رئيس محترم الحاج ملا فیض الله جواد د يادې مؤسسې له مسؤلینو څخه مننه وکړه او یتیمانو ته یې د خیریه بنسټونو او مؤسسو له لوري د لازياتو مرستو د را جلبولو ډاډ ورکړ.