په فاریاب ولایت کې پر (۲۵۰) مستحقو کورنېو باندې مرستې ووېشل شوې
د فاریاب ولایت د شهیدانو او معلولینو چارو ریاست په هڅو یوې خیریه مؤسسې د دې ولایت په ګرزیوان او بلچراغ ولسوالېو کې د شهیدانو او معلولینو پر (۲۵۰) مستحقو کورنېو باندې ژمني توکي چې په هغه کې کمپلې، البسه، د ګاز ډبې او نور وسایل شامل وو، په شفاف او منظم ډول ووېشل.
د مرستو د وېش پر مهال د فاریاب ولایت د شهیدانو او معلولینو چارو ریاست مسؤلینو د یادې خیریه مؤسسې د هڅو او ملاتړ څخه مننه وکړه او له نورو خیریه مؤسسو او مرستندویه بنسټونو یې وغوښتل چې د یتیمانو، کونډو او معلولینو لپاره د مرستو په برابرولو کې له دې ریاست سره پوره همکاري وکړي
