په غزني ولایت کې (۲۵۰) تنو مستحقو کسانو باندې د خوراکي مرستو وېش
د غزني ولایت د شهیدانو او معلولینو چارو ریاست په رمضان المبارک میاشت کې د مستحقو کسانو د ملاتړ او لاسنیوي په موخه د قمر خیریه بنسټ په مالي ملاتړ د یاد ولایت په (۲۵۰) تنو یتیمانو، کونډو او معلولیت لرونکو وګړو باندې شپږ ډوله خوراکي توکي ووېشل.
یادې مرستې د غزني ولایت د شهیدانو او معلولینو چارو رئیس محترم مولوي محمد انور برادر او د خیریه بنسټ د مسؤلینو په شتون کې پر مستحقو کسانو باندې ووېشل شوې.
محترم مولوي محمد انور برادر د یاد خیریه بنسټ له مسؤلینو یې یتیمانو، کونډو او معلولینو ته د مرستو د وېشلو له امله مننه وکړه او هیله یې څرګنده کړه چې په راتلونکي کې هم د ټولنې د دې اړمن قشر لپاره لازیاتې مرستې برابرې شي ترڅو په سمه توګه د هغوی اقتصادي ستونزو ته رسیدګي وشي
